Crip Chronicles: Oida!

Oida!
Host da scho moi übalegt, dass si si übahaupt nix bringt, dass’d d’Papp’n hoitst? Host da scho moi übalegt, fia wen dass’d übahaupt daun die Papp’n hoitn daratst, wonnst dei Papp’n hoitn daratst? Oida! Mir z´reißt´s die Goschn, wonn i hea, wia heitzutog üba Sozialempfänger gredt wiad. Und Oida! I z´reiß ma mei Goschn üba olle, die den Wapplan ned kloa dagegn redn, die die oidn Tanz ned onredn. Es is jo a nix neichs, dass ma üba die Ormen, die Faulen und so weita schimpft. Des is scho öter ois die Einfiarung des Sozialsystems, Oida. Des homs scho g´sogt bevor´s nu a Sozialvasicharung geb’n hot.

Oida, es gibt kan Sozialbetrüger in an Sozialsystem. Des Problem is, dass monche aus´n System aussi foin und des is a Problem vom System. Oba Sozialbetrug is ned, wonn i wen mei Sozialvasicherungskortn leich, damits eam behondln, Sozialbetrug is, wonn i des Sozialsystem söba in Frog stö, Oida! Sozialbetrug is, wonn i auf Kost’n vo Steierzohler a Medienkampagne gegen orme Leid fia. Oida! WEM geht’s do z’guat?

Jetzt teilen